logo bikalpa
१९ आश्विन २०७९, बुधबार
१९ आश्विन २०७९, बुधबार

जेलेन्स्कीलाई नोबेल शान्ति पुरस्कारका लागि मनोनयन गर्न माग

cropped-bs-author.jpeg
proadmin
प्रकाशित मिति:
६ चैत्र २०७८, आईतवार
Share it

४ चैत, काठमाडौं । विभिन्न युरोपेली मुलुकका राजनीतिज्ञहरूको एक समूहले युक्रेनका राष्ट्रपति भोलोदिमिर जेलेन्स्की र त्यहाँका नागरिकलाई नोबेल शान्ति पुरस्कारका लागि मनोनयन गर्न आग्रह गरेका छन् ।

विभिन्न युरोपेली मुलुकका ३६ जना राजनीतिज्ञहरूले एउटा खुला पत्रमार्फत् उक्त पुरस्कारका लागि जेलेन्स्की र युक्रेनका नागरिकलाई मनोनयन गर्न आग्रह गरेका हुन् । पत्रमा हस्ताक्षर गर्ने राजनीतिज्ञमा नेदरल्याण्ड, बेलायत, जर्मनी, स्विडेन, इस्टोनिया, बुल्गेरिया, रोमानिया र स्लोभाकियाका छन् ।

नोबेल पुरस्कारका लागि मनोनयन पेश गर्ने अन्तिम मिति जनवरी ३१ मै सकिइसकेको छ । तर मार्च ३१ सम्म मिति थपेर लोकतन्त्रका लागि लडिरहेका जेलेन्स्की र युक्रेनी नागरिकलाई नोबेल शान्ति पुरस्कारका लागि मनोनयन गर्नुपर्ने पत्रमा उल्लेख छ ।

‘रुसी महासंघले गरेको युद्धको प्रतिकार गर्ने क्रममा हामीले युक्रेनका नागरिकको साहस देखेका छौं । युक्रेनका बहादुर महिला एवं पुरुषले लोकतन्त्र एवं स्वशासन बचाउन लडिरहेका छन्’, पत्रमा भनिएको छ, ‘युक्रेनका सबै मानिस जुटेर अधिनायकवादी फौजको प्रतिरोध गरिरहेका छन् । विश्व युक्रेनका नागरिकको पक्षमा छ भनेर देखाउने समय आएको हाम्रो विश्वास रहेको छ ।’

तर हालसम्म नोबेल कमिटीले कुनै जवाफ नदिएको समाचारमा उल्लेख छ । एजेन्सीको सहयोगमा 

सम्बन्धित समाचारहरु

विकल्प संदेश 

सूचना विभाग दर्ता नंः २४८७/ ०७७ / ०७८
विकल्प नवलपुर मिडिया प्रा लि. द्वारा संचालित

सम्पर्क: +९७७ ९८५७०४०४८६ +९७७ ९८६३८३१००४
इमेल: bikalpasandesh@outlook.com
वेब: bikalpasandesh.com

संचालक : उत्सव आचार्य
प्रबन्ध निर्देशक : उर्मिला शर्मा
सम्पादक : ध्रुव जंङ थापा, सह-सम्पादक : कृष्ण पौडेल

 


समाचार
थप जानकारी
प्रतिलिपि अधिकार ©२०२१ विकल्प नवलपुर मिडिया प्रा. लि, सर्वाधिकार सुरक्षित
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram