logo bikalpa
१९ आश्विन २०७९, बुधबार
१९ आश्विन २०७९, बुधबार

कर्मा भन्छन्- स्टार बन्न फिल्म क्षेत्रमा आएको होइन

cropped-bs-author.jpeg
proadmin
प्रकाशित मिति:
१० बैशाख २०७९, शनिबार
Share it

काठमाडौं । कर्मा र भोलाराज सापकोटाको मुख्य भूमिका रहेको फिल्म ‘षट्कोण’ वैशाख २३ गतेबाट प्रदर्शनमा आउने तयारीमा छ ।

फिल्मबारे जानकारी दिन शुक्रबार काठमाडौंमा पत्रकार सम्मेलनको आयोजना गरियो । फिल्मका निर्देशक मिलन डी काप्रीले ‘षट्कोण’ युवाको समूहले बनाएको मनोवैज्ञानिक थ्रिलर भएको बताए ।

‘नेपालमा बन्ने अन्य फिल्मभन्दा फरक ढंगले फिल्म बनाउने प्रयास गरेका छौं,’ उनले भने, ‘यसमा हिरो हिरोइनको फाइट र नाचगान छैन, तर कथा सुहाउँदो गीत चाहिं राखेका छौं ।’ नेपालमा फरक खालको फिल्म निर्माण गरेकाले साथ दिन निर्देशक काप्रीले दर्शकलाई आग्रह समेत गरे ।

पत्रकार सम्मेलनमा अभिनेता कर्माले स्टार बन्न आफू नेपाली फिल्म क्षेत्रमा नआएको बताए । ‘मेरो नामको अर्थ स्टार अर्थात् तारा भएपनि म तारा बन्नको लागि फिल्ममा आएको होइन । मलाई तारा बन्नु पनि छैन । स्टार भनेको चम्किरहने हो । मैले नाम त रोजें त्यो बेग्लै कुरा हो । मलाई कलाकारिता गर्नुछ विशुद्ध भुईंमा बसेर । तर स्टार बन्ने मेरो इच्छा छैन,’ कर्माले भने ।

पत्रकार भेटघाटमा निर्देशक काप्री, कलाकार कर्मासहित भोलाराज सापकोटा, लोकेन्द्र लेखक र निर्माता तथा अभिनेता विराज कडरिया उपस्थित भएका थिए ।

क्लेमेन्टाइन प्रोडक्सन र ट्राभलर्स क्रु फिल्म्सको ब्यानरमा निर्माण भएको फिल्म कोरोना महामारीले रिलिज हुन ढिलो भएको हो । शिशिर लिम्बु वानेमको कथा तथा पटकथा रहेको फिल्मको संवाद महेश दवाडीले लेखेका हुन् ।

सम्बन्धित समाचारहरु

विकल्प संदेश 

सूचना विभाग दर्ता नंः २४८७/ ०७७ / ०७८
विकल्प नवलपुर मिडिया प्रा लि. द्वारा संचालित

सम्पर्क: +९७७ ९८५७०४०४८६ +९७७ ९८६३८३१००४
इमेल: bikalpasandesh@outlook.com
वेब: bikalpasandesh.com

संचालक : उत्सव आचार्य
प्रबन्ध निर्देशक : उर्मिला शर्मा
सम्पादक : ध्रुव जंङ थापा, सह-सम्पादक : कृष्ण पौडेल

 


समाचार
थप जानकारी
प्रतिलिपि अधिकार ©२०२१ विकल्प नवलपुर मिडिया प्रा. लि, सर्वाधिकार सुरक्षित
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram