राजन थकाली,

देवचुली नगरपालिकामा 'एक घर एक रोजगार जनता समाजवादीको उपहार' भन्ने मूल भाव सहित जनता समाजवादी पार्टी मतदाताहरुको घरदैलोमा ब्यस्त छन्।
जसपाका तर्फबाट नगर प्रमुख पदमा उम्मेद्वार रहेका कृष्ण गैह्रेले ह्याप्पी एफ एमको स्थानीय निर्वाचन बिशेष कार्यक्रम बटम लाईनमा बोल्दै उक्त नारा आफ्नो पार्टीको मूल योजना रहेको बताएका हुन्।
कार्यक्रममा गैह्रेले देवचुलीको पर्यटनलाई प्रवर्द्धन गर्न देवचुलीको चुचुरो देखि नारायणीको तिर सम्म मोटरबाटो पुर्याउने , भूगोलको पहिचान गरि कृषिको अवधारणा बनाउने र युवाहरुको क्षमता पहिचान गरि रोजगारको अवस्था सिर्जना गर्ने बताएका छन्।

नगर भित्रका जेस्ठ नागरिक , महिला , अपाङ्गता भएका व्यक्ति लगायत कृषकहरुलाइ उनीहरुको हकहित दिलाउनको लागि नयाँ अवधारणाको बिकास संगै सम्बंधित क्षेत्रमा छलाङ्ग मार्न अहोरात्र प्रयास गर्ने प्रतिवद्धता गरेका छन्।

साथै सामुदायिक विधालयमा कक्षा १० सम्म निशुल्क पठनपाठन गराउने र बिषेशत सुत्केरी महिलाहरुलाई भत्ताको व्यवस्था मिलाइने समेत बताएका छन्।
उनले सम्पूर्ण वडावासिहरुलाई आफ्नो महत्वपूर्ण मत दिएर सहयोग गर्न समेत आग्रह गरेका छन्।