काठमाडौँ– नेपालले टी–२० क्रिकेट सिरिजको पहिलो खेलमा पाहुना टोली जिम्बावे ‘ए’लाई १८२ रनको लक्ष्य दिएको छ।

कीर्तिपुरस्थित त्रिवि क्रिकेट मैदानमा भएको खेलमा जिम्बावेले टस जितेर फिल्डिङ रोजेपछि पहिले व्याटिङ गरेको नेपालले निर्धारित २० ओभरमा ५ विकेटको क्षतिमा १८१ रन बनाएको हो।

नेपालका लागि कुशल भुर्तेलले ४६, रोहित पौडेलले ३६, मोहम्मद आदिल आलमले ४७ र दीपेन्द्र सिंह ऐरीले २८ रन बनाए।

बलिङतर्फ जिम्बावेका ब्राड इभान्स, लुक जोङ्वे, ब्राण्डोन मावुता र जोन मासराले एक–एक विकेट लिए।नेपाल र जिम्बावेबीच तीन खेलको टी–२० सिरिज र तीन खेलको एकदिवसीय सिरिज हुँदैछ।