logo bikalpa
२१ आश्विन २०७९, शुक्रबार
२१ आश्विन २०७९, शुक्रबार

चुनाव अनि अवसान

cropped-bs-author.jpeg
ध्रुब जंग थापा
प्रकाशित मिति:
२२ बैशाख २०७९, बिहीबार
Share it

युवराज भण्डारी

प्राण बचाई राख्न चारा नपुगेपछि
जीर्ण भएको गुँड मर्मत गर्न नसकेपछि
पखेटा मजबुत हुन नपाउँदै
बाध्य भएर
उड्यो डाँडा काटेर मेरो बचेरो
गामबेँसी विचरण गर्ने उमेरमा
नहुँदा नहुँदै जाने रहर
अन्जान सहरतिर पस्यो मेरो बचेरो

जब ऊ गयो
मेरा वेग मार्ने पखेटा
भारी भए
आकाशको त्यो बाटो
कतै हरायो
समय भन्नु झझल्को भयो
उसैलाई पर्खिनु दिनरात भयो
दिन बित्यो
वर्ष बित्यो
पाँच वर्ष बित्यो
उसको कुनै खबर छैन

ऊ आहारा खोज्न मुग्लान जाने बेला
अगुवाहरू चुन्ने लहर चलेको थियो
उनीहरु चुनिए
तर चुनिएपछि मेरो बचेरोजस्तै हराए
आश्वासनको ठेकेदार पनि हरायो

म्याद सकिएका ती अगुवाहरू
आज फेरि फर्किएका छन् म्याद थप्न
थुप्रै आश्वासन लिएर
रोजगारीको सपना सिएर
रोजीरोटीको आशा दिएर
खै! कतिचोटि विश्वास गर्नु
खै! कति झुटको भर पर्नु
यिनीहरूसँग बहाना धेरै छ
पक्षीहरूसँग चाहना धेरै छ

हरे!
यो कस्तो सन्देश आयो
मेरो बचेरो फर्किँदै छ रे!
चुनाव फर्कियो
बचेरो पनि फर्कियो
तर
ऊ उड्न नसक्ने भएर पो आएको छ रे
बाकसभित्र चुपचाप
निस्सासिएर आएको छ रे
न ची-ची गर्न सक्छ रे
न भुर्र उड्न सक्छ रे
लाग्छ ऊ सपना बिसाएर आएको छ
बोल्दैन रे
लाग्छ ऊ मसँग रिसाएर आएको छ
कस्तो संजोग चुनावसँग

चुनाव
फेरि आश्वासन बाँड्दै आएको छ
बचेरो झुट नसुनेरै अस्ताएको छ।

 

श्रोत - सेतोपाटी

सम्बन्धित समाचारहरु

विकल्प संदेश 

सूचना विभाग दर्ता नंः २४८७/ ०७७ / ०७८
विकल्प नवलपुर मिडिया प्रा लि. द्वारा संचालित

सम्पर्क: +९७७ ९८५७०४०४८६ +९७७ ९८६३८३१००४
इमेल: bikalpasandesh@outlook.com
वेब: bikalpasandesh.com

संचालक : उत्सव आचार्य
प्रबन्ध निर्देशक : उर्मिला शर्मा
सम्पादक : ध्रुव जंङ थापा, सह-सम्पादक : कृष्ण पौडेल

 


समाचार
थप जानकारी
प्रतिलिपि अधिकार ©२०२१ विकल्प नवलपुर मिडिया प्रा. लि, सर्वाधिकार सुरक्षित
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram