भरतपुर । चितवनमा आजदेखि अत्यावश्यकबाहेकका सरकारी काम स्थगन गरिएको छ। सबै सरकारी कार्यालयका कर्मचारी स्थानीय तह निर्वाचनको लागि खटिनुपर्ने भएकोले आजदेखि वैशाख ३० गतेसम्मका सबै सरकारी काम स्थगन गरिएको जिल्ला प्रशासन कार्यालय चितवनले जनाएको छ।

मंगलबार सूचना जारी गर्दै जिल्ला प्रशासन कार्यालय चितवनले भनेको छ, ‘जिल्ला प्रशासन कार्यालयलगायत जिल्लास्थित सम्पूर्ण सरकारी कार्यालयहरूबाट प्रवाह हुने अत्यावश्यकबाहेकका सेवाहरू मिति २०७९/०१/२७ देखि २०७९/०१/३० गतेसम्मको लागि स्थगन गरिएको व्यहोरा सम्बन्धित सबैमा जानकारी गराइन्छ।