पूर्वी नवलपरासी , देवचुली।  देवचुली नगरपालिकाको मतगणना स्थलमा सिसि क्यामेरा जडान गरिएको छ।

देवचुली ११ मा रहेको जनज्योति नमुना जनज्योति नमुना माध्यामिक विद्यालयको भवनमा मत गणना स्थलको व्यवस्थापन गरिएको देवचुलीका निर्वाचन अधिकृत कमलराज पन्थीले बताएका छन्।

पन्थीले मत गणना स्थलको सुरक्षाको लागी ७ वटा सिसि क्यामेरा जडान गरिएको र निर्वाचन लक्षित अन्य तयारीहरु पनि लगत्तै गरिने बताएका छन्।

उनका अनुसार देवचुलीको १५ वटा वडामा एक एक वटाको दरले र वडा न १४ र वडा न १६ मा दुई वटाको दरले मतदान स्थल र ४६ वटा मतदान केन्द्र निर्धारण गरिएको छ।

आसन्न बैशाख ३० मा हुने निर्वाचनमा देवचुलीमा ३६ हजार ८ सय ६९ जना मतदाता रहेका छन्।

श्रोत- सेतो कागज