वैशाख ३१,काठमाडौं । सरकारले डिजेल, पेट्रोल र मट्टीतेलको मुल्य ह्वात्तै बढाएको छ । वाणिज्य सचिव डा. गणेश प्रसाद पाण्डे नेतृत्वको आयल निगम सञ्चालक समितिको बैठकले पेट्रोलियम पदार्थको मुल्य बढाउने निर्णय गरेको हो ।

अब पेट्रोलको खुद्रा मूल्य १० रुपैया बढेर प्रतिलिटर १७० रुपैयाँ पुगेको छ भने डिजेल र मट्टीतेलको मूल्य १५३ रुपैयाँ प्रतिलिटर कायम भएको छ ।

निगम सञ्चालक समितिको बैठकले शनिबार रातिदेखि लागु हुनेगरी मूल्य बढाउने निर्णय गरेको नेपाल आयल निगमका प्रवक्ता विनितमणि उपाध्यायले बताए ।