काठमाडौँ- लैनचौरस्थित भारतीय राजदूतावासभित्र सोमबार बिहान एक सुरक्षा गार्डको मृत्यु भएको छ।

दूतावासभित्र ड्युटीमा रहेका दीपक सिंह नाम गरेका ती भारतीय सुरक्षा गार्डको मृत्यु भएको हो।

ती सुरक्षा गार्डले आफैँले आफैँलाई गोली हानेको प्रहरी स्रोतले जानकारी दिएको छ।

घटनाबारे दूतावासले नेपाल प्रहरीलाई जानकारी दिए पनि शवको व्यवस्थापन आफैँ गर्ने बताएको छ।

नेपाल प्रहरीका अधिकारीहरुले घटनाबारे विस्तृत जानकारी लिन दूतावास जान सकेका छैनन्।