नवलपुर, माघ २४ ।
लामखुट्टे मार्ने झोल औषधि सेवन गर्दा कावासोतीमा ३ वर्षका वालक विरामी परेका छन् ।

घरमा खेल्ने क्रममा वट्टामा रहेको झोल औषधि नजानेर मुखमा हाल्दा वडा नं. ३ बस्ने रिया यादवको ३ वर्षको छोरा रविराज यादव विरामी भएका हुन् ।

उपचारका लागि मध्यविन्दु जिल्ला अस्पताल पुर्याईएको ति वालकको अवस्था मध्यम रहेको जिल्ला प्रहरी कार्यालय नवलपुरले जनाएको छ ।

यस्ता घटना फेरी पनि दोहोरिन सक्ने भएकाले हानिकारक वस्तुहरु भण्डारण गर्दा सचेत हुनुपर्ने हुन्छ । हेलच्याक्राईले ठूलो दुर्घटना समेत हुनसक्ने भएकाले सचेतना अपनाउन नवलपुर प्रहरी प्रमुख एवं एसपी भुवनेश्वर तिवारीको आग्रह छ ।