खगेन्द्र पराजुली,
नवलपुर, माघ २५ ।
कावासोतीमा मोटरसाइकल दुर्घटना हुदा भरतपुरका रामकृष्ण महतो घाइते भएका छन् । मंगलबार कावासोती ३ रामनगर चोक स्थित मुख्यमार्गमा दुर्घटना हुँदा भरतपुर महानगरपालिका वडा न.२५ का ४२ वर्षीय महतो घाइते भएका हुन् ।

पूर्वबाट पश्चिमतर्फ आउँदै गरेको प्र ३–०३–००१ प ५७१२ न. को मोटरसाइकल आफै अनियन्त्रित भई दुर्घटना भएको जिल्ला प्रहरी कार्यालय नवलपुरले जनाएको छ ।

घाइतेलाई कालिगण्डकी नारायणी सामुदायिक अस्पतालमा सामान्य उपचार पश्चात भरतपुरस्थित नारायणी सामुदायिक अस्पतालमा थप उपचारका लागि पठाइएको जनाइएको छ ।

टाउकोमा चोट लागेको उनको स्वास्थ्य अवस्था मध्यम रहेको प्रहरीले जनाएको छ ।