खगेन्द्र पराजुली,
नवलपुर, माघ २५ ।
नवलपुरबाट २ जना फरार प्रतिवादी पक्राउ परेका छन् । इलाका प्रहरी कार्यालय गैडाकोटबाट खटिएको प्रहरी टोलीले गैडाकोट नगरपालिका वडा नं. ६ का ३० वर्षका स्यानु विक र गैडाकोट २ का ३८ वर्षीय प्रमोद घर्तीलाई पक्राउ गरेको हो ।

इलाका प्रहरी कार्यलय गैडाकोटका अनुसार विक लागुऔषध गाँजा मुद्धामा १ वर्ष ७ महिना २० दिन कैद र २५ हजार जरीवाना सजाय भुक्तान नगरी फरार भएका थिए भने घर्ती लागुऔषध हिरोइन मुद्धामा ५ हजार रुपैंया जरीवाना सजाय भुक्तान नगरी फरार भएका थिए ।

पक्राउ परेका दुवै जना उपर अनुसन्धान भैरहेको प्रहरीले जनाएको छ ।