खगेन्द्र पराजुली,
नवलपुर, माघ २६ ।
नवलपुर प्रहरीले ब्राउन सुगर सहित एक जनालाई पक्राउ गरेको छ ।

सडक सुरक्षा चेकजाँचका क्रममा मध्यविन्दु १५ गडारखोलास्थित पूर्वपश्चिम मुख्यमार्गबाट रुपन्देही तिलोत्तमा ४ का अजित केसीलाई नियन्त्रणमा लिएको जिल्ला प्रहरी कार्यालय नवलपुरले जनाएको छ ।

बुधवार राती पश्चिमबाट पूर्वतर्फ आउँदैगरेको वसमा सवार केसीको साथबाट २०० ग्राम ब्राउन सुगर बरामद गरेको प्रहरीको भनाई छ ।

प्रतिवन्धित लागु औषध सहित पक्राउ परेका उनलाई जिल्ला प्रहरी कार्यालयमा राखेर थप अनुसन्धान गरिरहेको जनाईएको छ