खगेन्द्र पराजुली,
नवलपुर, माघ २६ ।
सडक दुर्घटनामा परेकी पैदलयात्रु एक महिलाको मृत्यु भएको छ । बुधवार राती पूर्वपश्चिम मुख्यमार्गस्थित गैंडाकोट १० पितौजीको शसस्त्र क्याम्प नजिक मोटरको ठक्करबाट स्थानीय अन्दाजी ५०–५५ वर्षकी सन्तमाया बोटेको मृत्यु भएको इलाका प्रहरी कार्यालय गैंडाकोटले जनाएको छ ।

गएराती करिव पौने १० बजेतिर पैदल हिडेकी बोटेलाई ठक्कर दिएको साधन प्रहरीले फेला पार्न सकेको छैन । स्थानीयले सडकमा महिला घाईते अवस्थामा रहेको फोनमार्फत जानकारी गराएपछि प्रहरीले उद्धार गरी अस्पताल पठाएकोमा भरपुर सरकारी अस्पतालले राती नै मृत घोषणा गरेको प्रहरीले जनाएको छ ।

ठक्कर दिने मोटरको खोजतलासका लागि जिल्लाभित्रका विभिन्न स्थानमा चेकप्वाईन्ट राखी अनुसन्धानमा प्रहरी सक्रिय रहेको जनाईएको छ ।