खगेन्द्र पराजुली,
नवलपुर, माघ २६ ।

कावासोतीका २६ बर्षे युवकले विष सेवन गर्दा विरामी परेका छन् । वडा नं. ११ लोकाहाका किरण महतोले तोरीमा छर्कने किलर नामक विषादी सेवन गरी विरामी परेका हुन् ।

बुधवार राती आफ्नै घरको सुत्ने कोठामा विष खाएका उनको अहिले नारायणीसामुदायिक अस्पताल भरतपुरमा उपचार भैरहेको जिल्ला प्रहरी कार्यालय नवलपुरले जनाएको छ ।

पछिल्ला ३ दिनमा दैनिक एक जनाले विष सेवन गर्दा विरामी भई उपचार गराएका जिल्ला प्रहरी कार्यालयको विवरणमा छ । सोमवार कावासोतीका तीन बर्षका बालकले झुुक्किएर, मंगलवार गैंडाकीटकी एक किशोरीले र बुधवार कावासोतीका एक युवक विषादी सेवनका कारण विरामी परेका हुन् ।