खगेन्द्र पराजुली,
नवलपुर, माघ २६ ।
बिहिवार सुरु भएको दोस्रो गैंडाकोट मेयर कप राष्ट्रिय क्रिकेट टि २० प्रतियोगिताको उद्घाटन खेलमा नवलपुरले विजयी सुरुवात गरेको छ ।
खेलमा नवलपुरले पर्वतलाई ६ विकेटले हरायो । नवलपुरले १६.२ ओभरमा ४ विकेटको क्षतिमा १३१ रन लियो ।

यसअघि टस जितेर पहिले ब्याटिङ गरेको पर्वतले १२७ रनको लक्ष्य दिएको हो । पर्वतले १९.३ ओभरमा सबै विकेटको क्षतिमा १२६ रन बनायो ।

फागुन १ गतेसम्म हुने प्रतियोगितामा नवलपुर, तनहुँ, कास्की, स्याङ्जा, पर्वत, बाग्लुङ, नवलपरासी र चितवन जिल्लाका ८ टिमको सहभागिता रहेको छ ।