मध्यविन्दु, माघ २८ ।नवलपुर प्रहरीले लागुऔषध सहित एक किशोरलाई पक्राउ गरेको छ । सडक चेकजाँचमा खटिएको प्रहरी टोलीले मध्यविन्दु १५ गडारखोलाबाट पोखरा महानगरपालिका वडा नं. ५ मालेपाटनका १९ वर्षका समीर बुढाथोकीलाई पक्राउ गरेको हो ।

जिल्ला प्रहरी कार्यालय नवलपुरका अनुसार पक्राउ परेका समिरको साथबाट ५० सेट लागू ओषध फेला परेको हो । बुटवलबाट पोखरा जाँदै गरेको बसमा सवार उनको साथबाट डाईज‍ोपाम ५० एम्पुल, फेनरागन ५० एम्पुल र आईपिपिएल ५० एम्पुल लागुओषध फेला परेको प्रहरीले जनाएको छ ।

शुक्रबार साँझ लागुओषध सहित पक्राउ परेका उनलाई जिल्ला प्रहरी कार्यालयमा राखी अनुसन्धान कार्य भईरहेको जनाईएको छ ।