विनयी त्रिवेणी, माघ २९ ।

विनयी त्रिवेणीमा कुटपिटबाट एक जना घाइते भएका छन् भने कुटपिट गरी घाइते तुल्याएका व्यक्ति फरार छन् ।

ईलाका प्रहरी कार्यालय दुम्किवासका अनुसार विनयी त्रिवेणी गाउँपालिका वडा नं. २ सिजीचोकना शनिवार राती कुटपिटको घटना भएको हो ।

सोही ठाउँको बाह्रघरेका २५ वर्षीय सन्तोष पुन मगरलाई सुनटाँडी वस्ने ३० वर्षका मनोज दर्लामीले एक्कासी कुटपिट गरी घाइते बनाएको घाइते र घाइतेका साथीहरूले कार्यालयमा जानकारी गराएको प्रहरीको भनाई छ ।

जानकारी पश्चात दर्लामीलाई नियन्त्रणमा लिन पुगेको प्रहरीले उनलाई फेला पार्न नसकेको जनाएको छ ।

टाउकोमा चोट लागेको घाइतेलाई स्थानीय स्वास्थ्य चौकीमा सामान्य उपचार पश्चात् थप उपचारका लागि भरतपुर रिफर गरिएको र कुटपिटमा संलग्न फरार भएका दर्लामीको खोजतलास कार्य भइरहेको जनाइएको छ।