खगेन्द्र पराजुली, मध्यविन्दु, फागुन १ ।
नवलपुर प्रहरीले मध्यविन्दुबाट लागुऔषध ओसार पसारमा संलग्न दुई युवकलाई पक्राउ गरेको छ। प्रहरीले नियमित गर्ने सड़क सुरक्षा चेकजाँचका क्रममा स्कुटरमा सवार दुई जनालाई लागु औषध सहित नियन्त्रणमा लिएको हो ।

चेकिङ‌का क्रममा मध्यविन्दु - १५, गडारखोलामा पश्चिमवाट पूर्वतर्फ आइरहेको बा.प्र. ०६-००१-१०१० नम्बरको स्कुटरमा सवार चितवनको कालिका नगरपालिकाका दुई युवकलाई नियन्त्रणमा लिएको जिल्ला प्रहरी कार्यालय नवलपुरले जनाएको छ ।

लागुऔषध डाइजापाम ८० एम्पुल, फेनरागन ८० एम्पुल र आईपिपीएल ८० एम्पुल सहित २७ वर्षका अनोज थिङ र २१ वर्षका सुजन तामाङलाई नियन्त्रणमा लिई अनुसन्धान कार्य भइरहेको जनाइएको छ ।