खगेन्द्र पराजुली
नवलपुर, फागुन ४ ।
सातौं नवलपुर महोत्सवको तेस्रो दिन शुक्रवार कलाकार प्रकाश दुतराज, अनु रानामगर र तेजु परियार कावासोती आउँदैछन् । महोत्सवमा साँस्कृतिक गतिविधिलाई तताउन राष्ट्रिय स्तरमा चर्चित कलाकारत्रयका साथमा स्थानीय कलाकारहरुको प्रस्तुति रहने साँकृतिक उपसमितका संयोजक भेषबहादुर अधिकारीले बताए ।
यस्तै, चौथो दिन शनिवार लोकदोहोरी गायक तथा मोडल पशुपति शर्मा, सम्झना भण्डारी र दीपक खड्का आउने तय भएको आयोजक नवलपुर उद्योग वाणिज्य संघका महासचिव एवं प्रवक्ता सागर पोख्रेलले जानकारी दिए ।