खगेन्द्र पराजुली, फागुन २८ ।

जिल्ला समन्वय समिति नवलपुरका प्रमुख बावुराम विश्वकर्माले जटिल प्रसव पीडाकी महिलालाई अस्पताल पुरयाउन आफ्नो साधन पठाए ।

देवचुली -९ विशालटारमा भाडामा बस्दै आएकी २६ वर्षीया रिमा चितौरेलाई छिटो अस्पताल पुर्याउन आफू चढेको गाडी छोडिदिएका हुन् ।

सुत्केरी हुन देवचुली स्वास्थ्य चौकी पुगेकी रिमाको प्रसव पीडा जटिल रहेकोले स्वास्थ्यकर्मी सहितको टोलीको सहायतामा मध्यबिन्दु जिल्ला अस्पताल ल्याईएको हो ।

ग १ झ ५८६ नं. को गाडीमा दुम्कौली अस्पतालका सिअहेव गणेश न्यौपाने, देवचुली स्वास्थ्य चौकीका हेअ देवीप्रसाद भुसाल र सिअनमी मञ्जु पंगेनी रानाले स्वास्थ्य चौकीको रेफर सहित जिल्ला अस्पताल पुर्याएका छन् । अहिले रिमाको उपचारमा अस्पतालका चिकित्सक जुटेका छन्। उनको अवस्था गम्भीर छ।