खगेन्द्र पराजुली, नवलपुर, चैत ४ ।

मध्यनेपाल साकोसले रजत वर्षको अवसरमा रक्तदान एवं स्त्री रोग परिक्षण कार्यक्रम गरेको छ । नवलपुरको देवचुली -२ दुम्कौली मा रक्तदान र वडा नं. ११ पृथ्वीनगरमा निशुल्क स्त्री रोग परिक्षण गरेको हो ।

शनिवार एकैदिन भएका रक्तदान कार्यक्रमा २७ जनाले रगत दिएका थिए भने ५२ जनाले स्त्रीरोग सँग सम्बन्धित पाठेघर परिक्षण गराए।

दिव्यपुरी सेवा केन्द्रका संयोजक विनोद सिलवालको अध्यक्षता र वडा नं. २ का वडाध्यक्ष शरद प्रसाद घिमिरेको प्रमुख आतिथ्यतामा भएको रक्तदानमा १० महिला र १७ पुरुषले रगत दिएका जनाइएको छ ।

यस्तै, सूर्य किरण आधारभूत विद्यालयमा चलेको निशुल्क शिविरमा स्त्रीरोग विशेषज्ञ डा. रमेश पौडेल सहितको टोलीले चेकजाँच गरेका थिए। विशेषत: पाठेघरको मुखको क्यान्सर चेकजाच गर्दा कसैमा पनि जटिल समस्या नदेखिएकाले परिक्षण गराएकाको स्वास्थ्य स्थिति राम्रो पाइएको डा. पौडेलले बताए। उनका अनुसार प्रजनन् उमेरका हरेक महिलाले तीन-तीन वर्षमा पाठेघरको मुखको क्यान्सर सम्बन्धि नियमित परीक्षण गर्नुपर्ने सुझाए ।

दुवै कार्यक्रममा साकोस सञ्चालक समितिका पदाधिकारी, अधिकांश सदस्य, विभिन्न उपसमिति का पदाधिकारी, कर्मचारी, सेवा केंन्द्रका पदाधिकारीको उपस्थिति थियो ।

रक्तदान कार्यक्रमलाई रेडक्रस सोसाइटी कावासोती उपशाखाको प्राविधिक सहितको टोली तथा स्वास्थ्य शिविरमा मौलाकालिका अस्पताल भरतपुरका विषेशज्ञ डाक्टर सहितको टोलीले समन्वयात्मक सहयोग गरेका थिए।