नवलपुर, चैत ५।
नवलपुर जिल्लाकै जेठो क्याम्पस कुमारवर्ती बहुमुखी क्याम्पसको स्वतन्त्र विद्यार्थी युनियन (स्ववियु) निर्वाचनमा गठबन्धन  प्यानल नै निर्वाचित भएको छ । कूल २ सय ८१ मत खसेकोमा आइतबार बेलुकाको मतपरिणाम अनुसार नेविसंघका सुदिप चापागाई २ सय २९ मत ल्याएर स्ववियु सभापतिमा निर्वाचित भएका हुन् । प्रतिद्वन्द्वी नेकपा एमाले निकट अनेरास्ववियुका गौरव अधिकारीले ३९ मत ल्याए ।
सचिवमा नेविसंघका कुमार सिंजाली मगरले २ सय १७ मत ल्याएर निर्वाचित भए । निकटतम प्रतिद्वन्द्वी अनेरास्ववियुका सृजना पौडेलले ४९ मत ल्याए । कोषाध्यक्षमा नेविसंघका वर्षा खरेलले २ सय १२ मत ल्याएर विजयी भए । अनेरास्ववियुका सलिना भण्डारी ४५ मत ल्याएर पराजित भए ।
खुला सदस्यहरुमा नेविसंघका सृजना श्रेष्ठ , कृष्ण रिजाल र लोकमाया दर्लामी मगर निर्वाचित भए । समानुपातिकतर्फ सदस्यमा नेविसंघकै पवन भुर्तेल , रेखा बस्याल , प्रतीक भुसाल , सीता न्यौपाने र सुशील महतो निर्वाचित भए ।