खगेन्द्र पराजुली,
नवलपुर, चैत १८ ।
नवलपुर ग्रिल ब्यवसायी संघको अध्यक्षमा ब्यवसायी कमल पौडेल निर्विरोध भएका छन् ।
कावासोतीमा सम्पन्न ५ औं अधिबेशनले पौडेलको नेतृत्वमा अहिले ६ सदस्यीय जिल्ला संघ निर्विरोध चयन गरेको छ । कार्य समितिको बैठकले मनोनित गरेर ११ सदस्यीय पुर्याईने कार्यालय सचिव सुलभ पोख्रेलले जनाएका छन् ।
पोख्रेलका अनुसार जिल्ला कार्यसमितिको सचिवमा अनुराग लामिछाने, कोषाध्यक्षमा सौगात भुसाल र सदस्यहरुमा सन्तोष राना, जोगराम गुरौ, प्रताप राणा चयन भएका छन् । उपाध्यक्ष र सहसचिव समेत पछि कार्यसमितिले मनोनित गर्ने जनाईएको छ ।
५ औ अधिबेशनको पूर्व संघको नवौं साधारण सभाको भएको थियो । सभा संघका निर्वतमान अध्यक्ष महेन्द्र कुमार श्रेष्ठको अध्यक्षता तथा कावासोती नगरपालिका वडा नं. ३ का वडाध्यक्ष डोरमान गिरीका प्रमुख आतिथ्यतामा भएको थियो ।