नवलपुर, बैशाख ७।
कावासोती ९ को वडा प्रबद्र्धन प्रतिष्ठानले अपाङ्ग सेवा संस्थामा खाद्य सामग्री सहयोग गरेको छ ।
प्रतिष्ठानका अध्यक्ष पण्डित विष्णुप्रसाद पोख्रेलको ६५ औं वर्ष जन्मोत्सवको अवसरमा निजी खर्चमा प्रतिष्ठानले संस्थागत सहयोग हस्तान्तरण गरेको हो ।
बुधबार कावासोती ८ स्थित मौलाकालिका अपाङ्ग सेवा संस्थामा पुगेर सहयोग सामग्री हस्तान्तरण गरेको प्रतिष्ठानका सचिव बाबुराम केसीले जानकारी दिनुभयो ।
चामल, फर्सी, बोडी, लौका, जुस लगायतका खाद्य तथा उपभोग्य सामग्री  संस्थाका अध्यक्ष कृष्णकुमार रोकाले ग्रहण गर्नुभयो ।
सेवाको भावले सञ्चालित संस्थामा १४ जना बालवालिका आश्रित छन् । दान सहयोगबाट गुजारा चलाईरहेको संस्थामा राज्यका निकायको कुनै पनि प्रकारको दृष्टि नपुगेको अध्यक्ष रोकाले गुनासो गर्नुभयो ।
त्यस्तै अपाङ्गता भएकै कारण कावासोती ३ को सहिद स्मृति माविले ति वालवालिकालाई भर्ना नलिएको बताउनुभयो । हस्तान्तरण कार्यक्रमको सहजीकरण पत्रकार रामकुमार श्रेष्ठले गर्नुभएको थियो ।