नवलपुर, बैशाख ९ ।

नवलपुर प्रहरीले करिव ३६ लाख मूल्य बरावरको भन्सार छलीका सामग्री बरामद गरेको छ । नवलपुरका विभिन्न स्थानमा भएको चेक जाँचका क्रममा शुक्रवार मात्रै ३५ लाख ९१ हजार २ सय २२ मूल्य बरावरको सामान बरामद भएको जिल्ला प्रहरी कार्यालय नवलपुरका सूचना अधिकारी सन्तोष पाठकले बताउनुभयो ।

प्रहरीले नियन्त्रणमा लिएका सामग्रीमा २२० वोरा युरिया मल छ भने लत्ता कपडा, मोबाइल सेट र कस्मेटिक सामग्री लगायतका सामान छन् ।

प्रहरीले ति सामान आवश्यक कार्वाहीका लागि गण्डकी प्रदेशको एकमात्र दक्षिणी भन्सार त्रिवेणी भन्सार कार्यालय पठाएको छ ।